124.Yaradılışın Şabatı və altı min ilin Şabatı
Eşidilmişdir
İki növ Şabat var:
-
yaradılışın Şabatı,
-
altı min ilin Şabatı.
Onların arasındakı fərq belədir. Məlumdur ki, iki hal var: işin dayandırılması — “şvita” və istirahət — “nefşa”. İşin dayandırılması o yer adlanır ki, artıq əlavə ediləcək heç nə yoxdur. Halbuki istirahət — “nefşa”, “lafuş” — “dayanıb dincəlmək” sözündən gəlir və o deməkdir ki, insan işin ortasındadır və işi davam etdirməyə gücü yoxdur. O zaman dayanıb dincəlir ki, yeni həyat gücü və enerji alsın, sonra isə işini davam etdirsin.
Yaradılışın Şabatı — artıq əlavə ediləcək heç nə olmayan haldır. Buna görə də bu, işin dayandırılması — “şvita” halı adlanır.
Altı min ilin Şabatı isə istirahət — “nefşa” halıdır və bunun sayəsində insan həyat gücü və enerji alır ki, həftə günlərində işini davam etdirsin.
Buradan müdriklərimizin sözünü də başa düşəcəyik ki, Şabat dedi: “Hamısına Sən cüt verdin, mənə isə vermədin”. Yaradan ona cavab verdi: “İsrail — sənin cütündür”. Cüt isə Zeir Anpin xüsusiyyəti adlanır. Əgər nukva xüsusiyyəti varsa, zivuq baş verə bilər. Zivuqdan isə törəmələr yaranır, yəni yenilənmələr və əlavələr. Nukva isə xisaron deməkdir. Əgər hansısa yerdə xisaron varsa, o xisaronu düzəltmək imkanı var. Bütün islahlar isə o deməkdir ki, xisaron yerinə ali nur cəlb edilərək kamilliyə çatırlar. Belə çıxır ki, başlanğıcda ümumiyyətlə heç bir xisaron yox idi və əvvəlcə xisaron kimi düşünülən hər şey əvvəlcədən islah üçün yaranmışdır, yəni bunun vasitəsilə yuxarıdan ali nur təsir etsin.
Bu, insanın hansısa mövzunu öyrənməsi kimidir. O, onu başa düşmək üçün səy göstərir. Amma izahı başa düşdükdə əksinə olur — yəni o artıq əvvəl bu mövzunu anlamadığına görə çəkdiyi əzabı hiss etmir. O, indi sevinc hiss edir. Çünki sevinc, insanın bu mövzunu başa düşməzdən əvvəl göstərdiyi səylərin ölçüsünə görə ölçülür. Belə çıxır ki, öyrənmə vaxtı nukva halı adlanır və bu, xisaron halıdır. İnsan bu xisaronla birləşəndə törəmə yaradır, yəni yenilənmə. Buna görə də Şabat deyirdi: “Axı Şabat iş vaxtı deyil. Bu halda nə törəmələr olacaq, nə də yenilənmələr.”