162.Tövrat kitablarının oxunuşu qurtardıqdan sonra niyə “Möhkəmlən!” deyilir

Eşidilmişdir, av ayının 2-si, şənbə səhəri süfrəsində, Tel-Aviv

Tövratın hər bir kitabının oxunuşu qurtardıqdan sonra “Möhkəmlən!” demələrinin səbəbi ondadır ki, hər bir tamamlanmadan möhkəmlənmə alınmalıdır ki, bütün dərəcələri tamamlayaraq irəliləmək mümkün olsun. Necə ki bədəndə 248 orqan və 365 damar var, eləcə də ruhda 613 xüsusiyyət var ki, bunlar ruhun kanallarıdır və onların vasitəsilə ali xeyir cəlb olunur. Tövrat sayəsində bu kanallar açılır. Onların hamısı açılmayana qədər, hətta fərdi dərəcədə də çatışmazlıq hiss olunur, çünki hətta fərdi dərəcə də ümumini özündə ehtiva edir.

Belə çıxır ki, ümumidə hər hansı bir hissə yoxdursa, həmin xüsusiyyət fərdidə də çatışmır. Və bu beləliklə dərəcələrin ardıcıllığı ilə tədricən yayılır. Hamısı tamamlandıqda isə Son Islah gələcək. Ona qədər isə onlar bir-birinin ardınca tədricən islah olunurlar. Bununla birlikdə müdriklərin dediyi söz də aydın olur: “Tövrat dünyadan əvvəl mövcud idi”. Yəni dünya adlanan məhdudiyyət yaranmazdan əvvəl Tövrat artıq mövcud idi.

Bəs necə ola bilər ki, sonra o, məhdudiyyət xüsusiyyəti olan dünyada nur saçsın? Məsələ ondadır ki, Tövrat “birinin ardınca biri” xüsusiyyətində nur saçır. Bütün vəziyyətlər tamamlandıqda isə insan dünyadan çıxmalıdır, çünki o artıq Tövratın bütün xüsusiyyətlərindən məhsul götürmüşdür. Buna görə də hər bir tamamlanmadan möhkəmlənmə almaq lazımdır ki, daha irəli getmək mümkün olsun. Tövratın beş kitabı isə yeddi sfiraya uyğun gəlir, onların əsasları isə beşdir. Çünki Yesod və Malxut əsas deyil, yalnız qalanlarını özündə birləşdirən xüsusiyyətlərdir.