Yeguda Leyb HaLevi Aşlaq (Baal HaSulam)

76.Hər qurbanınla duz qurban et

30 Şvatda, Zoar-ın 6-cı hissəsinin tamamlanması şərəfinə verilən süfrədə, Tveriya-da eşidilmişdir

“Hər qurbanınla duz qurban et”. Bu “duz əhdi” deməkdir. Əhd anlayışı isə ağla ziddir.

Çünki dünyada belə qəbul olunub ki, iki insan bir-birinə yaxşılıq etdikdə, onların arasında sevgi hökm sürdüyü vaxt əhd bağlamağa ehtiyac yoxdur. Lakin biz görürük ki, məhz sevgi hökm sürdüyü vaxt əhd bağlamaq adətdir. O isə dedi ki, əhd  gələcək zaman üçün bağlanır.

Bu o deməkdir ki, indi onlar belə bir razılaşma bağlayırlar: əgər nə vaxtsa elə bir vəziyyət gəlsə ki, hər biri digərinin ürəyinin ona tərəf olmadığını düşünsə, amma onların arasında bir əhd varsa, o əhd onları məcbur edir ki, aralarında bağladıqları əhdi xatırlasınlar ki, hətta belə bir vəziyyətdə də əvvəlki sevgini davam etdirsinlər.

Bunun mənası budur: “Hər qurbanınla duz qurban et”, yəni Yaradanın işində hər yaxınlaşma “duz əhdi” vasitəsilə əldə olunmalıdır.