Qrupun məqsədi - 1
Məqalə1, hissə 1, 1984
Biz buraya, Baal HaSulamın yolu və üsulunu təqib etmək arzusunda olan bütün insanlar üçün, qrupun quruluşunun təməlini qoymaq məqsədi ilə toplaşmışıq. Bu üsul insana, heyvani səviyyədən çıxaraq,İnsan (Adəm) səviyyəsinin pillələri ilə yüksəlməyə imkan verən bir yol açır. Bu barədə belə deyilir: "Siz - Mənim Qoyunum, Mənim -Sürümsünüz, Siz- İnsansınız.." RASHBI belə izah edib: " Bütpərəstlərə Adam deyilmir, Adam- Sizə deyilir!"
İnsanın mənəvi səviyyəsini başa düşmək üçün müdriklərdən sitat gətirək. "Hər şeyin nəticəsi: Yaradanın qarşısında titrəyiş hiss edin və Onun qanunlarına riayət edin, çünki bütün insan məhz bu deməkdir." Müdriklər soruşurlar: Buradakı “bütün İnsan ”nə deməkdir? Rabbi Elazar cavab verir: Yaradan deyir: "Bütün dünya yalnız bunun üçün yaradıldı." Başqa sözlə, bütün dünya yalnız Yaradan qarşısında titrəyiş üçün yaradıldı. " İnsan "Yaradanın qarşısında titrəyiş”-in nə olduğunu anlamalıdır.
Çünki belə anlaşılır ki, dünyanın yaranmasının səbəbi budur. Müdriklərdən məlumdur ki, yaradılışın səbəbi Yaradanın öz məxluqlarına nemətlər vermək istəyi olub. Başqa sözlə desək, Yaradan məxluqlarına zövq verməklə, onların dünyada özlərini xoşbəxt hiss etmələrini arzu etdi. Ancaq burada müdriklər yaradılışın səbəbinin "Yaradan qarşısında titrəyiş" olduğunu söyləyirlər.
"Tövratın bağışlanması" kitabında bu belə izah olunur: məxluqlar xüsusiyyətləri ilə Yaradandan fərqləndikləri üçün, yaradılışın məqsədi olan nemətləri və həzzi ala bilmirlər. Yaradan Vermə, məxluqlar isə Alma xüsusiyyətidirlər. Bu halda, Təbiət qanununa görə, budaqlar (yəni nəticələr) yarandıqları kökə (səbəbə) bənzərdirlər. Və Alma xüsusiyyəti bizim kökümüz üçün xarakterik olmadığı üçün, yəni Yaradanın öz istəklərinin təminatı üçün heç bir şey almasına ehtiyac olmadığı üçün,insan almalı olduğu halda narahatlıq hiss edir.. Nəticədə hər insan Yaradandan aldığı nemətləri “mərhəmət çörəyi” - kimi qəbul etdiyindən utanır.
Bunu düzəltmək üçün aləm yaradılmalı idi. Aləm (olam - עולם) gizlətmək deməkdir (heelem - העלם). Çünki nemətlər və həzz mütləq gizlədilməlidir. Nə üçün? Yaradan qarşısında titrəyiş üçün. Başqa sözlə desək, bu, insan hər dəfə eqoizm və ya “özünəvurğunluq”adlanan Almaq istəyini təmin etdikdə,titrəyiş hiss etməsi üçün lazımdır .
Bunun mahiyyəti ondan ibarətdir ki, insan arzuladığı həzzləri almaqdan çəkinsin və ehtiraslı istəklərinə üstün gəlmək gücünə malik olsun.
Əvəzində isə Yaradana zövq verəcək həzzlər almaq səviyyəsinə qalxacaq. Bunun mənası ondadır ki, məxluq öz xeyrinə həzz almamaq üçün Yaradan qarşısında titrəyiş hiss etməli və Ona Vermək istəyində olmalıdır.Çünki öz xeyrinə alınan həzz,insanı Yaradandan uzaqlaşdırır.
Beləliklə, bir insan Yaradanın hər hansı bir qanununu yerinə yetirdiyində niyyətini elə qurmalıdır ki, bu əməl ona saf düşüncələr gətirsin - Yaradana Vermək istəyində olsun.. Rabbi Hananiya Ben Akaşia bu barədə deyir: "Yaradan İsraili təltif etmək istədi və buna görə də onların Vermək istəyi üçün olan əməllərini artırdı."
Beləliklə, biz burada, hər birimizin Yaradana Vermək istəyi ruhunda irəliləyişimizi təqib etmək üçün toplaşırıq.Lakin bu istəyə çatmazdan əvvəl, “insana Vermək” istəyinə çatmaq vacibdir və bu “yaxınına sevgi” adlanır.
Yaxınına sevgi isə yalnız özündən imtina halında mümkündür. Bir tərəfdən hər kəs özünü kiçiltməli, digər tərəfdən isə “Şxina daima aramızda olması” kimi ali bir məqsədə qulluq edən bir qrupda olmaq imkanına görə fəxr etməlidir..
Məqsədə çatmamağımıza baxmayaraq, buna çatmaq istəyimiz var. Bu da bizim üçün vacib olmalıdır: Hələ yolun başlanğıcında olsaq da, ümid edirik ki, bu uca məqsədə çatacağıq.