Xevruta - 29-cu dərsin davamı
'Onluq' anlayışının təqdimatı

Dərs 29 https://kabbalah.academy/az/courses/lesson/690/

Dərs 29 videoqeydi https://kabbalah.academy/az/videos/gfc-2026-06-07/

Adi həyatda biz fərdlər kimi düşünməyə və hərəkət etməyə öyrəşmişik. Ruhani inkişaf isə təcrid halında baş verə bilməz. Kabalaya görə, Yaradan insanın təkbaşına daxilində deyil, eyni məqsədə doğru can atan insanlar arasındakı əlaqədə aşkarlanır.

Bu səbəbdən kabalistlər “onluq” haqqında danışırlar: əlaqə, qarşılıqlı dəstək və əta etmə münasibətini birlikdə quran kiçik bir qrup insan. Onluq insanın öz qayğısından yuxarı qalxmağı və başqalarına yeni münasibət inkişaf etdirməyi öyrənə biləcəyi praktik laboratoriyaya çevrilir.

Onluq sadəcə təhsil qrupu və ya sosial toplantı deyil. O, ruhani inkişaf üçün bir vasitədir. Onun vasitəsilə insan təkbaşına inkişaf etdirə bilməyəcəyi xüsusiyyətlər üzərində işləmək üçün güc, ilham, dəstək və imkan alır.

İnsan özünü öz dairəsindən yuxarı qaldıra bilməz. Buna görə də o, öz mühitindən qidalanmalıdır və onun Tövrat və çoxlu səydən başqa yolu yoxdur. Buna görə əgər insan özü üçün yaxşı bir mühit seçirsə, vaxt və səylərə qənaət edir, çünki o, öz mühitinə uyğun olaraq irəliləyir.

-- Baal Sulam, Şamati 225, “Özünü qaldırmaq”

Mühitin əhəmiyyəti

Baal Sulam izah edir ki, insan öz mühitindən yuxarı qalxa bilməz. Biz bunu hiss etsək də, etməsək də, dəyərlərimiz, arzularımız və prioritetlərimiz daim ətrafımızdakı insanlar tərəfindən formalaşır.

Bu prinsip ruhani yolda daha da vacib olur. Əgər insan yaradılışın məqsədinə doğru irəliləmək istəyirsə, ona bu məqsədi dəyərləndirən və onun əhəmiyyətini daim xatırladan bir mühit lazımdır.

Müzakirə üçün seminar sualı

Bizə onluq nə üçün lazımdır? Mən ondan həqiqətən nə ala bilərəm?

Bizə elə bir cəmiyyət lazımdır ki, böyük bir qüvvə formalaşdırsın və biz “şər” adlanan almaq istəyinin ləğvi üzərində birlikdə işləyə bilək, çünki o, insanın yaradıldığı məqsədə çatmağa mane olur.

Bu səbəbdən cəmiyyət yekdilliklə buna çatmalı olduqlarına razı olan fərdlərdən ibarət olmalıdır. Onda bütün fərdlər özünə qarşı mübarizə apara bilən bir böyük qüvvəyə çevrilirlər, çünki hər kəs hamıya daxil olur. Beləliklə, hər bir insan məqsədə çatmaq üçün böyük bir arzu üzərində çalışır.

-- RABAŞ, Məqalə 1 (1984), “Cəmiyyətin məqsədi – 2”

Yoldaşların birliyində xüsusi bir güc var. Çünki onların arasındakı birlik vasitəsilə baxışlar və düşüncələr birindən digərinə keçir, hər biri digərinin qüvvələrinə ilə daxil olur və bununla hər kəs bütün cəmiyyətin gücünə sahib olur. Buna görə də hər bir insan fərd olsa da, onda bütün cəmiyyətin gücü var.

-- RABAŞ, Məqalə 14, “Yoldaşlara sevginin zəruriliyi”

Əgər bir neçə fərd özünə sevgidən imtina etməyin dəyərli olduğu bir qüvvə ilə bir araya gəlirsə, lakin kənardan kömək olmadan müstəqil olmaq üçün əta etmənin kifayət qədər gücü və əhəmiyyəti yoxdursa, əgər bu fərdlər bir-biri qarşısında özlərini ləğv edirlərsə və hamısında ən azı potensial olaraq Yaradan sevgisi varsa, baxmayaraq ki, praktikada bunu saxlaya bilmirlər, onda hər biri cəmiyyətə qoşulub onun qarşısında özünü ləğv etməklə bir bədən olurlar.

Məsələn, əgər bu bədəndə on nəfər varsa, onda onun tək bir insandan on dəfə artıq gücü var.

Lakin bir şərt var: onlar toplaşdıqda, hər biri düşünməlidir ki, indi özünə məhəbbəti ləğv etmək məqsədi ilə gəlib. Bu o deməkdir ki, o indi almaq istəyini necə təmin etməyi düşünməyəcək, mümkün qədər yalnız başqalarına sevgi haqqında düşünəcək. Bu, “əta etmək istəyi” adlanan yeni keyfiyyəti əldə etmək üçün arzu və ehtiyac əldə etməyin yeganə yoludur.

Yoldaşlara sevgidən isə Yaradan sevgisinə çatmaq olar, yəni Yaradana məmnunluq vermək istəməyə.

-- RABAŞ, Məqalə 6 (1984), “Yoldaşlara sevgi– 2”

Ruhani iş niyə birlikdə görülməlidir?

Tək bir insanın eqoizmə qalib gəlmək üçün kifayət qədər gücü yoxdur. O, məqsədin əhəmiyyətini anlasa belə, arzusu təbii olaraq onu öz qayğısına doğru çəkir.

Rabaş izah edir ki, insanlar eyni ruhani məqsəd ətrafında birləşdikdə, onlar hissələrinin cəmindən qat-qat böyük olan ümumi bir qüvvə yaradırlar. Hər yoldaş öz arzusunu, səyini və canatmasını əlavə edir və birlikdə heç bir fərdin təkbaşına malik olmadığı bir güc qururlar.

Bu, onluqda işin əsaslarından biridir: hər kəs başqalarını gücləndirir və əvəzində onlardan güc alır.

Müzakirə üçün seminar sualı

Kabalanı öyrənən yoldaşlarla toplandığımız zaman nə etmək maraqlı ola bilər? İdeyalar, təkliflər?

Təcrübədə Onluq 

Onluq yalnız dərslər və seminarlar zamanı deyil, həm də gündəlik olaraq bir-birinin qayğısına qalmaq vasitəsilə qurulur. Ruhani əlaqə yoldaşlarla əlaqədə qalmağa, bir-birinə dəstək olmağa və görüşlər arasında məqsədin əhəmiyyətini saxlamağa səy göstərdikdə inkişaf edir. Hətta kiçik əməllər belə əlaqəni gücləndirə və qarşılıqlı məsuliyyətin canlı hissini yaratmağa kömək edə bilər.

Bu səbəbdən həftə ərzində əlavə əlaqə üçün imkanlar yaratmaq faydalıdır.

Həftə üçün təklif olunan məşq

Gəlin məşq olaraq bir-birimizlə 2 və ya 3 nəfərlik kiçik qruplara bölünək. Gələn həftə görüşdə  bu məşqdən hansı təəssüratı aldığınızı paylaşın.