Aralin 30

Paksa: Pagmamahal sa mga Kaibigan

Piniling Mga Sipì mula sa mga Pinagkukunan

SLIDES 2-3

RABASH, Artikulo Blg. 6 (1984), "Pagmamahal sa mga Kaibigan – 2"

"Kung ilang mga indibidwal ang nagtipon-tipon na may lakas ng loob na angkinin na sulit na iwanan ang pagmamahal sa sarili, ngunit walang sapat na lakas at kahalagahan ng pagbibigay upang maging independyente, kung walang panlabas na tulong, kung ang mga indibidwal na ito ay magpapakumbaba sa isa't isa at lahat ay may kahit na potensyal na pagmamahal sa Maylalang, bagaman hindi nila ito kayang isabuhay, sa pagsali ng bawat isa sa lipunan at pag-aalis ng sarili sa harap nito, sila ay nagiging isang katawan.

Halimbawa, kung may sampung tao sa katawan na iyon, may sampung ulit na higit na lakas ito kaysa sa isang tao. 

Subalit, may isang kundisyon: Kapag sila ay nagtipon, bawat isa sa kanila ay dapat mag-isip na siya ay dumating upang alisin ang pagmamahal sa sarili. Nangangahulugan ito na hindi niya pag-iisipan kung paano niya matutugunan ang kanyang sariling kagustuhan ngayon, kundi mag-iisip hangga't maaari ukol lamang sa pagmamahal sa iba. Ito lamang ang paraan upang magkaroon ng pagnanasa at pangangailangan upang makamtan ang bagong katangian na tinatawag na “ang kalooban na magbigay.”

At mula sa pagmamahal sa mga kaibigan ay maaaring marating ang pagmamahal sa Maylalang, ibig sabihin ay ang hangaring bigyang kasiyahan ang Maylalang."

SLIDE 4

Baal HaSulam, Liham 47

"...Pinaaalalahanan ko kayo ng kabuluhan ng pagmamahal sa mga kaibigan sa kabila ng lahat sa panahong ito, sapagkat dito nakasalalay ang ating karapatan na mabuhay, at dito sinusukat ang ating tagumpay na malapit nang dumating.

Kaya't talikuran ninyo ang lahat ng mga ilusyon at ituon ang inyong mga puso sa pag-iisip at paglikha ng angkop na mga taktika upang tunay na magkaisa ang inyong mga puso na parang isa, upang ang mga salitang “Ibigin mo ang iyong kapwa gaya ng iyong sarili” ay literal na magkatotoo sa inyo, sapagkat ang talata ay hindi lalampas sa literal, at kayo ay lilinisin ng pag-iisip ng pagmamahal na sasaklaw sa lahat ng pagkakasala. Subukin ninyo ako diyan, at magsimulang tunay na magkaisa sa pagmamahal, at makikita ninyo, 'malalasahan ng panlasa.'"

SLIDE 5

RABASH, Artikulo Blg. 7 (1984), "Ayon sa Ipinaliwanag Tungkol sa “Ibigin Mo ang Iyong Kapwa Gaya ng Iyong Sarili”"

"Yaong mga nagnanais tuparin ang panuntunan, “Ibigin mo ang iyong kapwa gaya ng iyong sarili.” Ang tanging layunin nila ay makalabas mula sa pagmamahal sa sarili at tumanggap ng ibang kalikasan ng pagmamahal sa iba. At bagama't ito ay isang Mitzva [utos] na dapat tuparin, at maaari mong pilitin ang sarili mong gawin ito, ang pagmamahal ay isang bagay na ibinibigay sa puso, at sa likas na katangian ay hindi ito sang-ayon dito. Ano, kung gayon, ang magagawa upang ang pagmamahal sa iba ay pumasok sa puso?"

SLIDES 6-7

RABASH, Liham 40

"Bawat regalo na kanyang ibinibigay sa kanyang kaibigan ay parang bala na gumagawa ng uka sa bato. At kahit ang unang bala ay kumakamot lang sa bato, kapag tama ng pangalawang bala sa parehong lugar, may uka na ito, at ang pangatlo ay nag-iiwan ng butas.

At sa pamamagitan ng paulit-ulit na putok ng bala, ang butas ay nagiging uka sa bato ng puso ng kaibigan, kung saan lahat ng mga regalo ay nagtitipon. At bawat regalo ay nagiging spark ng pagmamahal hanggang ang lahat ng spark ng pagmamahal ay maipon sa uka ng batong puso at maging isang apoy.

Ang kaibahan ng spark at apoy ay kapag may pagmamahal, may hayagang paglalantad, ibig sabihin ay paglalantad sa lahat ng tao na ang apoy ng pagmamahal ay nag-aalab sa kanya. At ang apoy ng pagmamahal ay sinusunog ang lahat ng mga pagsuway na kanyang nasasalubong."

SLIDES 8-9

RABASH, Liham 40

"Sa pamamagitan ng pagkikiskisan ng mga puso, kahit ng pinakamalalakas, bawat isa ay maglalabas ng init mula sa mga pader ng kanyang puso, at ang init ay magpapaliyab ng mga spark ng pagmamahal hanggang sa isang kasuutan ng pagmamahal ay mabuo. Pagkatapos, parehong sila ay matatakpan ng iisang kumot, ibig sabihin ay isang pagmamahal lamang ang sasaklob at yayakap sa kanilang dalawa, gaya ng alam na ang Dvekut [pagdikit] ay nagkakaisa ng dalawa sa isa.

At kapag nagsimulang maramdaman ng isa ang pagmamahal ng kanyang kaibigan, kasiyahan at ligaya ay kaagad gumigising sa kanya,… Ang pagmamahal ng kanyang kaibigan para sa kanya ay isang bagong bagay sa kanya dahil lagi niyang inakala na siya lamang ang nagmamalasakit sa kanyang sariling kapakanan. Ngunit sa sandaling matuklasan niya na may kaibigan siyang nagmamalasakit sa kanya, ito ay nagpapasiklab ng sukat na hindi masukat na ligaya, at hindi na niya maiisip ang sarili niya, sapagkat ang tao ay maaari lamang magsumikap kung saan niya nadarama ang kasiyahan. At yamang nagsisimula na siyang makaramdam ng kasiyahan sa pag-aalaga sa kanyang kaibigan, likas na hindi na niya maiisip ang sarili niya."

SLIDE 10

Baal HaSulam Shamati, Artikulo Blg. 225. “Pag-angat sa Sarili”

"Hindi maaaring mapataas ng isang tao ang sarili niya lampas sa kanyang bilog. Kaya, dapat siyang sumuso sa kanyang kapaligiran, at wala siyang ibang paraan kundi sa pamamagitan ng Torah at matinding pagsisikap. Kaya, kung ang isang tao ay pumili para sa sarili ng mabuting kapaligiran, makakatipid siya ng oras at pagsisikap dahil siya ay naaapektuhan ayon sa kanyang kapaligiran."