1. Baal Sulam, Məktub 22
   “Tövrata vaxt ayırın, boş söhbətlər üçün, Allah eləməsin, heç bir fasilə vermədən. Baxın ki, ardıcıl olaraq ən azı beş saat ayırasınız. Gün ərzində istədiyiniz vaxta təyin edə bilərsiniz, əsas odur ki, bu vaxt ərzində heç bir söhbət üçün fasilə verməyəsiniz, onlar ardıcıl olsun... Öyrəndiklərinizdən heç nəyi unutmamağa diqqət edin, buna görə də öyrəndiyinizi lazım olduğu kimi təkrar edin. Həmçinin, müəllim olmağı öyrənsəniz, bu sizin üçün çox faydalı olacaqdır.

Həmçinin, bu beş saat ərzində istədiyiniz adamlarla birlikdə öyrənə bilərsiniz, lakin dərslə əlaqəsi olmayan şeylərdən danışmayın...”

2. Rabaş 647. Dua xisaron tələb edir
   Müdriklərimiz demişlər: “Tövrata vaxt ayırın.”

Demək lazımdır ki, müntəzəmlik o deməkdir ki, insanın nə istəyi, nə də ehtiyacı olmasa belə, yenə də Tövratı öyrənməlidir, çünki Tövratın özü ona kduşa [müqəddəslik] gətirir, hətta o, öyrənməyə ehtiyac hiss etməsə belə.

3. Rabaş, Məqalə № 41, 1989, “Gündəlik rejim”
   “Bu səbəbdən, yalnız inam və əta etmə haqqında danışan mövzuların öyrənilməsi üçün sabit bir vaxt ayırmaq yaxşıdır, çünki insan bu mövzuları öyrəndikdə, bu düşüncələrə bağlanır və bundan sonra Tövratın nuruna bağlanmaq onun üçün daha asan olur.”

   ---

    

4. Rabaş, Məqalə № 12 (1988), “Yaradanın yolunda Tövrat və iş nədir?”
   “İnsan öyrənməyə başlamazdan əvvəl böyük bir səy göstərməlidir ki, onun tədrisi bəhrə versin və yaxşı nəticələr doğursun, yəni tədris ona Tövratın nurunu gətirsin və bunun vasitəsilə onu islah etmək mümkün olsun. O zaman insan Tövrat vasitəsilə müdrikin şagirdi olur.

‘Müdrikin şagirdi’ kimdir? Baal Sulam demişdir ki, bu, müdrikdən öyrənən şagirddir. Yəni Yaradan ‘müdrik’ adlanır və Ondan öyrənən insan ‘müdrikin şagirdi’ adlanır. İnsan Yaradandan nə öyrənməlidir? O demişdir ki, insan Yaradandan yalnız bir şeyi öyrənməlidir. Məlumdur ki, Yaradan yalnız bəxş etmək istəyir. Eyni şəkildə, insan da Ondan verməyi öyrənməlidir. Buna ‘müdrikin şagirdi’ deyilir.”