Onluqda/ qrupda praktiki iş kursu - Dərs no. 26

Mövzu: Kabala elminin yayımının vacibliyi

İlkin mənbələrdən seçilmiş parçalar

1. Ravvin İbrahim Azulay – “Or a-Hama” (“Günəşin nuru”) kitabına ön söz

«Mən bir qeydə rast gəldim və orada deyilir: yuxarıdan Kabalanın açıq şəkildə öyrənilməsinə qoyulan qadağa yalnız müəyyən bir zaman dövrünə qədər — 5250-ci ilin sonunadək [miladi 1490-cı il] qüvvədə idi. Bu vaxtdan sonra isə bu dövr “son nəsil” adlanır və həmin qərar ləğv edilir, “Zoar” kitabının açıq şəkildə öyrənilməsinə icazə verilir.

5300-cü ildən etibarən [miladi 1540-cı il] isə bu müdrikliyin öyrənilməsi ən ali məqsəd sayılır və “Reya Meemna”da deyildiyi kimi (ivritcə — “Sadiq Çoban”, “Zoar” kitabından bir məqalə), həm böyüklər, həm də uşaqlar hamılıqla onunla məşğul olmalıdırlar. Çünki gələcəkdə xilas məhz bunun sayəsində gələcək, başqa heç bir şey sayəsində deyil; buna görə də bu məsələdə səhlənkarlıq göstərmək düzgün deyil».

2. Baal Sulam – “Məsihin Şofarı ”

«Gizli elmin geniş kütlələrə açıqlanması, tam qurtuluşdan əvvəl mütləq yerinə yetməli olan ilkin şərtdir».

3. Rabaş, məqalə 6 (1984) – “Yoldaşlara sevgi – 2”

«Yaradılışın məqsədi yalnız seçilmişlər üçün deyil, istisnasız olaraq bütün yaradılmışlara aiddir.

Və bu, mütləq istedadlı olan insanlara, güclü olanlara, yəni maneələri aşmaq gücünə malik olanlara, ürəyi cəsarətli olanlara və buna bənzər şəxslərə aid deyil, əksinə, bütün yaradılmışlara aiddir».

4. Baal Sulamın peyğəmbərliyi

«Bu günlər keçdikdən sonra Yaradanın mənə verdiyi bütün vədlərə və təminatlara böyük diqqətlə yanaşdım, lakin onlarda qənaətbəxş və bu dünyada yaşayanlarla danışmaq üçün bir dil tapa bilmədim ki, onları Yaradanın mənə bildirdiyi istəyinə gətirim. İnsanlar arasında gəzərkən özümü saxlaya bilmirdim — onlar heç nə ilə dolu deyildilər və Ona və Onun yaratdıqlarına böhtan atırdılar. Mən isə sanki bu bədbəxtlərə istehza edirmiş kimi tox, şükür edən halda gəzib sevinirdim. Bu şeylər qəlbimin dərinliyinə toxundu. O zaman qəlbimdə belə bir razılıq yarandı: nə olursa-olsun, hətta yüksək pilləmdən enməli olsam belə, borcluyam ki, Yaradana alovlu bir dua edim — qoy O, peyğəmbərlikdə mənə elə bir dərk və bilik, hikmət və dil versin ki, bu dünyanın bədbəxt sakinlərinə kömək edim və onları mənim sahib olduğum hikmət və zövq yüksəkliyinə qaldırım».

5. Baal Sulam – “Kabala elmi və onun mahiyyəti”

«Mən sevinirəm ki, artıq həqiqət elmini yaymağın mümkün olduğu bir nəsildə yaradılmışam. Əgər məndən soruşsanız ki, bunun artıq mümkün olduğunu haradan bilirəm, sizə cavab verərəm: çünki onu açıqlamaq üçün mənə icazə verilib. … Və “Raşbinin kəlamlarının qapıları”na baxın, orada o, bu yolu .icazənin verilməsi adlandırır. Bu isə Yaradanın mənə tam şəkildə bəxş etdiyi şeydir, bizdə qəbul edildiyi kimi; və bu, müdrikin öz dahiliyindən deyil, nəsilin vəziyyətindən asılıdır. Necə ki, müdriklərimiz demişlər: Şmuel a-Katan buna layiq idi… lakin onun nəsli buna layiq deyildi. Buna görə də dedim ki, bu elmin açıqlanmasında nail olduğum hər şey mənim nəslimlə bağlıdır».

6.    Baal Sulam. “Panım Meirot u-Masbirot” kitabına ön söz, 22-ci bənd
“İnsan özü üçün deyil, bütöv zəncir üçün yaşayır. Elə ki, zəncirdəki hər bir həlqə həyat nurunu özünə almır, yalnız həyat nurunu bütün zəncir boyu ötürür.”

    7.    Baal Sulam. “Son Nəsil”
“Həyatın məqsədi Yaradanla birləşməyə layiq olmaqdan ibarətdir; bu isə yalnız Onun xeyrinə fəaliyyət göstərmək şərtinə dəqiqliklə riayət etməklə mümkündür. Yaxud da çoxlarını bu birləşməyə layiq etməkdir ki, onlar da Onunla qovuşa bilsinlər.”

    8.    Rabaş. Məqalə 11 (1987) – “Purim: ‘ad de-lo yada’ əmr olunduğu zaman”
“Bütün dünyanın yaradılış məqsədində olan xeyir və həzzi almağa gəlməsinə səbəb olması ilə, belə çıxır ki, o, sonradan hamının yaradılış məqsədini qəbul etməsinə yardım etməklə Yaradanın tərəfdaşı olmuşdur. Buradan nəticə çıxır ki, o, Yaradanın tərəfdaşıdır. Necə deyildiyi kimi: ‘Mən yaradılışı başladım’ – xeyir və həzz vermək istəyi ilə; İsrail isə Ali xeyiri qəbul etməyə uyğun kelim hazırlamaqla bu məqsədin həyata keçməsi üçün çalışır.”