Kurs "Qrupda/onluqda praktik iş" - dərs № 23

Mövzu: "Bilik üzərində inamla iş"

İlkin mənbələrdən seçilmiş parçalar

12. Baal Sulam. Şamati. 16. «Yaradanın günü və Yaradanın gecəsi»
 

Belə deyilir: «Vay sizə, Yaradanın gününü arzulayanlar! O sizə nə üçün lazımdır? Axı bu sizin üçün qaranlıqdır, nur deyil!». Əgər insan həqiqətən Yaradanın gününü gözləyirsə, o, «bilikdən yuxarı inam»la getmək imkanını gözləyir ki, onun inamı o qədər güclü olsun ki, sanki o, bütün aydınlıq və aşkarılıqla görsün və anlasın ki, Yaradan aləmi xeyirlə və xeyir məqsədi ilə idarə edir. Lakin insan Yaradanın aləmi xeyirlə və xeyir məqsədi ilə idarə etdiyini açıq-aşkar görmək istəmir , çünki görmək — inanmağı dayandırmaq deməkdir; axı inam ağıl ilə üst-üstə düşmədiyi yerdə ola bilər və insan ağla zidd davrandıqda — buna «bilikdən yuxarı inam» deyilir. Beləliklə, insan Yaradanın aləmi idarə etməsinin — xeyirli və xeyir məqsədli olduğuna inanır. Və bunu açıq-aşkar hiss etməsə də, o, Yaradandan bu xeyirli idarəetməni ağıl ilə görməyi verməsini istəmir, əksinə, bilikdən yuxarı inamda qalmaq istəyir. Və o, Yaradandan elə böyük inam gücü verməsini xahiş edir ki, sanki öz ağlı ilə Yaradanın xeyirli idarəetməsini gözləri ilə görür, belə ki, inamla bilik arasında fərq qalmasın. Belə bir hal Yaradanla birləşməyə can atanlar üçün — «Yaradanın günü» adlanır.

15.Rabaş. Məqalə 12 (1991) “Bu şamlar müqəddəsdir”
 

Əsas olan – duadır. Yəni, insan Yaradandan xahiş etməlidir ki, ona bilikdən yuxarı getməkdə kömək etsin. Yəni, iş sevinc içində olmalıdır, sanki o, artıq ruhani biliyə layiq olub. Və o zaman işinin hansı sevinclə olacaqsa – həmin ölçüdə o, Yaradandan xahiş etməlidir ki, ona bu qüvvəni versin ki, bədənin biliyindən yuxarı gedə bilsin. Başqa sözlə, bədən bu vermək naminə olan işə razı olmasa da, o yalnız Yaradandan xahiş edir ki, böyük Padşaha xidmət edənə yaraşdığı kimi, sevinc içində işləyə bilsin. Və o, Yaradandan Onun böyüklüyünü göstərməsini istəmir ki, sonra sevinc içində işləsin. O, istəyir ki, Yaradan ona bilikdən yuxarı işdə sevinci versin ki, bu, insan üçün sanki artıq bilik varmış kimi vacib olsun.

18.Rabaş. Məqalə 24 (1991) “İnsanın ruhani işdə oğul və qız doğmalı olması nə deməkdir”
 

Bilikdən yuxarı əməl – heç bir şərt olmadan təvazökarlıq olmalıdır; yəni insan səma boyunduruğunu bilikdən yuxarı inamla öz üzərinə götürməlidir. İnsan deməlidir: “Mən Yaradanın işçisi olmaq istəyirəm, hətta işdə heç bir anlayışım olmasa da, işdə heç bir dad (həzz) tapmasam da; yenə də tam gücümlə işləməyə hazıram – sanki, işdə dərk, hiss və dad var – və hər hansı bir şərt olmadan işləməyə hazıram”. Və o zaman insan irəli gedə bilər və elə bir yer olmayacaq ki, öz halından düşə bilsin; çünki o, yerə uzananda da işləməyi öz üzərinə götürür; yəni yerdən aşağı ola bilməz; necə ki, deyilmişdir: “Nəsil gedir və nəsil gəlir, yer isə əbədi qalır”.