Aralin 29

Paksa: Panimula sa Konsepto ng “Sampu”

Napiling Bahagi mula sa mga Pinagmulan

SLIDES 2-4

Baal HaSulam, Panimula sa Pag-aaral ng Sampung Sefirot, Item 4

"Totoo nga na ang Maylalang Mismo ang naglalagay ng kamay ng isang tao sa magandang kapalaran sa pamamagitan ng pagbibigay sa kanya ng buhay na puno ng kasiyahan at kapanatagan sa loob ng materyal na buhay na puno ng paghihirap at sakit, at walang anumang saysay. Kailangan talagang iwan at takasan ito ng tao kapag nakita niya, kahit na tila baga ito ay nasa pagitan ng mga bitak, isang mapayapang lugar upang takasan mula sa buhay na ito na mas mahirap pa kaysa kamatayan. Tunay nga, wala nang higit pang paglalagay ng kamay ng Diyos kaysa rito.

At ang pagpili ng tao ay tumutukoy lamang sa pagpapalakas. Dahil mayroong tiyak na malaking pagsusumikap at pagpapagal dito bago magawang linisin ng tao ang sarili upang magawa niyang tuparin ang Torah at Mitzvot ng tama, hindi para sa sariling kasiyahan, kundi upang magbigay ng kaluguran sa kanyang Maylalang, na tinatawag na Lishma [alang-alang sa Kanya]. Tanging sa ganitong paraan pinagkakalooban ng buhay ng kaligayahan at kaginhawaan ang isang tao na nagmumula sa pagsunod sa Torah.

Bago makarating ang isang tao sa ganoong kadalisayan, tiyak na mayroong pagpipiliang magpalakas sa mabuting paraan sa lahat ng uri ng mga paraan at taktika. Dapat gawin ng isang tao ang anumang kaya niyang gawin hanggang matapos niya ang gawain ng paglilinis at hindi mahulog sa bigat nito sa kalagitnaan."

Slide 5

Tanya, Igeret Hakodesh, Bahagi 23.

"Sa isang lugar na may sampung tao, mayroon nang lugar para sa pagpapalaganap ng Shechina [Dibinidad]. Ipinahayag ng mga pantas ng Mishnah, “Sampu na nakaupo at nag-aaral ng Torah, ang Shechina ay namamayani sa kanila,” dahil “sa ito naroroon ang kabuuan ng tao.”

SLIDE 6

RABASH, Artikulo Blg. 28 (1986), "Ang Kongregasyon ay Hindi Bababa sa Sampu"

"Sinabi ng ating mga pantas (Sanhedrin, 39), “Sa bawat sampu ay naroroon ang Shechina.”

Alam na tinatawag na Malchut ang “ikasampu.” Alam din na ang tumatanggap na Kli ay tinatawag din na “ang Sefira Malchut,” na siyang ikasampung Sefira, tumatanggap ng nakatataas na kasaganaan. Siya ay tinatawag na “kalooban na tumanggap,” at lahat ng nilalang ay nagmumula lamang sa kanya. Dahil dito, ang isang kongregasyon ay hindi bababa sa sampu, sapagkat lahat ng materyal na sangay ay nagmumula sa mga nakatataas na ugat. Kaya, alinsunod sa patakaran, “Walang liwanag na walang sampung Sefirot,” sa materyalidad, hindi itinuturing na isang mahalagang kongregasyon maliban kung mayroong sampung lalake roon, tulad ng mga nakatataas na antas."

SLIDE 7

Maor VaShemesh, VaYechi

"Ang buod ng pagtitipon ay para ang lahat ay maging isa ang pagkakaisa at lahat ay maghangad ng iisang layunin lamang: hanapin ang Maylalang. Sa bawat sampu ay naroroon ang Shechina [Dibinidad]. Malinaw, kung may higit sa sampu ay lalong mayroong higit na paghahayag ng Shechina. Kaya, ang bawat isa ay dapat magtipon kasama ang kanyang kaibigan at lumapit sa kanya upang makinig sa kanya ng isang salita tungkol sa gawain ng Maylalang, at kung paano mahanap ang Maylalang. Dapat siyang magpakumbaba sa harap ng kanyang kaibigan, at ganon din ang gagawin ng kanyang kaibigan para sa kanya, at gayon din ang lahat. At kapag ang pagtitipon ay may ganitong layunin, “Higit pa sa kagustuhan ng guya na sumuso, ang baka ay nais magpasuso,” at ang Maylalang ay lalapit sa kanila at Siya ay kasama nila."

SLIDES 8-9

RABASH, Artikulo Blg. 6 (1984), "Pag-ibig ng mga Kaibigan – 2"

"Kung maraming indibidwal ang nagtipon na may lakas na sulit talikuran ang pagmamahal sa sarili, ngunit wala pa ang sapat na kapangyarihan at kahalagahan ng pagbibigay upang maging independente, kung wala ang tulong mula sa labas, kung ang mga taong ito ay nagpapakumbaba sa isa’t isa at may hindi bababa sa potensyal na pag-ibig ng Maylalang, kahit hindi pa nila ito ganap na magawa, sa kanilang pagkapisan at pagtalima sa lipunan, sila ay nagiging isang katawan.

Halimbawa, kung mayroong sampung tao sa katawan na iyon, ito ay may sampung beses na mas malakas kaysa sa kakayahan ng isang tao.

Subalit may kondisyon: Kapag sila ay nagtipon, bawat isa ay dapat mag-isip na siya ay dumalo ngayon para sa layunin ng pagtalima sa pagmamahal sa sarili. Ibig sabihin, hindi niya isasaalang-alang kung paano niya mapupuno ang sariling kagustuhan, kundi iisipin hangga’t maaari ang pag-ibig sa kapwa. Ito lamang ang paraan upang makamit ang pagnanais at pangangailangang magkaroon ng bagong katangian, na tinatawag na “kagustuhang magbigay.”

At mula sa pag-ibig ng mga kaibigan, maaaring makamit ang pag-ibig sa Maylalang, ibig sabihin, ang hangaring bigyang kasiyahan ang Maylalang."

SLIDE 10

Baal HaSulam, Liham 47

"...Paalalahanan ko kayo tungkol sa kahalagahan ng pag-ibig ng mga kaibigan sa kabila ng lahat sa panahong ito, sapagkat dito nakasalalay ang ating karapatan na umiral, at dito sinusukat ang ating nalalapit na tagumpay.

Kaya, talikuran ang lahat ng haka-hakang gawain at ituon ang mga puso ninyo sa pag-iisip at pagbuo ng mga tamang paraan upang tunay na mapag-isa ang inyong mga puso bilang isa, upang ang mga salitang “Ibigin mo ang iyong kapwa gaya ng iyong sarili” ay maging literal na totoo sa inyo, sapagkat ang isang taludtod ay hindi lalampas sa literal, at kayo ay malilinis sa pag-iisip ng pag-ibig na magtatakip sa lahat ng kasalanan. Subukin ninyo ako diyan, at simulang tunay na magbuklod sa pag-ibig, at makikita ninyo, “malalasahan ng dila.”"

SLIDE 11

RABASH, Artikulo Blg. 7 (1984), "Ayon sa Ipinaliwanag Tungkol sa “Ibigin mo ang Iyong Kapwa Gaya ng Iyong Sarili”"

"Yaong mga nagnanais sumunod sa utos, “Ibigin mo ang iyong kapwa gaya ng iyong sarili.” Ang tanging layunin nila ay lumabas sa pagmamahal sa sarili at tanggapin ang bagong likas ng pag-ibig sa kapwa. At kahit na ito ay isang Mitzva [utos] na dapat sundin, at na maaaring pilitin ang sarili na sundin, ang pag-ibig ay isang bagay na ibinibigay sa puso, at ang puso ay likas na tumututol dito. Ano nga ang maaaring gawin upang mapadama ng puso ang pag-ibig sa kapwa?"

SLIDES 12-13

RABASH, Liham 40

"Ang bawat regalo na ibinibigay ng isang tao sa kanyang kaibigan ay tulad ng bala na bumubutas sa bato. At kahit na ang unang bala ay kumamot lamang sa bato, kapag ang ikalawang bala ay tumama sa parehong lugar, ito ay may uka na, at ang ikatlong bala ay gumagawa ng butas.

At sa pamamagitan ng paulit-ulit na pagbaril ng mga bala, ang butas ay nagiging guwang sa pusong-bato ng kanyang kaibigan, kung saan lahat ng mga regalo ay nagtitipon. At bawat regalo ay nagiging isang alab ng pag-ibig hanggang sa ang lahat ng alab ng pag-ibig ay magtipon-tipon sa guwang ng pusong-bato at maging isang apoy.

Ang pagkakaiba ng alab at apoy ay, kung saan mayroong pag-ibig, may hayagang paglalantad, ibig sabihin ay pagbubunyag sa lahat ng tao na ang apoy ng pag-ibig ay nagliliyab sa kanya. At ang apoy ng pag-ibig ay sinusunog lahat ng mga kasalanan na natatagpuan sa daan."

SLIDES 14-15

RABASH, Liham 40

"Sa pamamagitan ng pagkikiskisan ng mga puso, kahit ng pinakamatitibay, bawat isa ay maglalabas ng init mula sa pader ng kanyang puso, at ang init ay mag-aapoy ng alab ng pag-ibig hanggang mabuo ang kasuotan ng pag-ibig. Pagkatapos, silang dalawa ay yayakapin ng isang kumot, ibig sabihin, isang pag-ibig ang yayakap at magbabalot sa kanilang dalawa, gaya ng alam na ang Dvekut [pagdikit] ay nagbubuklod ng dalawa bilang isa.

At kapag nagsimulang madama ng isang tao ang pag-ibig ng kanyang kaibigan, agad na magising sa kanya ang kagalakan at kaluguran, ... Ang pag-ibig ng kanyang kaibigan para sa kanya ay isang bagong bagay para sa kanya dahil lagi niyang alam na siya lamang ang nagmamalasakit sa kanyang sariling kapakanan. Ngunit sa oras na matuklasan niyang may nagmamalasakit sa kanya, nagdudulot ito sa kanya ng di masukat na galak, at hindi na niya alalahanin ang sarili, sapagkat ang tao ay mapapasigla lamang doon siya nakakaramdam ng kaluguran. At dahil nagsisimula na siyang madama ang kasiyahan sa pag-aaruga sa kanyang kapwa, hindi niya maiisip pa ang para sa sarili niya."

SLIDE 16

Baal HaSulam Shamati, Artikulo Blg. 225. “Pag-angat sa Sarili”

"Hindi maaaring iangat ng tao ang sarili niya sa itaas ng kanyang bilog. Kaya, kailangan niyang sumuso mula sa kanyang kapaligiran, at wala siyang ibang paraan liban sa pamamagitan ng Torah at malaking pagsusumikap. Kaya, kung pipiliin ng isa ang mabuting kapaligiran, makakatipid siya ng oras at pagsubok dahil hinahatak siya ng kanyang kapaligiran."