Son həftələrin xülasəsi

• Bazar günü günorta: İsraildən canlı kurs

• Çərşənbə axşamı axşam: Yerli görüş

Təbiət
Təbiət qarşılıqlı bağlı bir sistemdir.
Qanunların bir qismi məlumdur, bir qismi isə hələ aşkar olunmayıb.
Sistemin bir hissəsi açılıb, bir hissəsi isə hələ gizlidir.

Almaq istəyinin xüsusiyyətləri
Bizim istəklərimiz daim böyüyür.
İstəklər insanın nəzarətində deyil.
İstəklər mühitin güclü təsiri / nəzarəti altındadır.

“Kabala hikmətinin mahiyyəti”

Yaradılış Fikri və onun məqsədi
Təsadüf, yoxsa tərtib — gerçəkliyin arxasında istiqamətverici bir sistem varmı?
Orijinal kabala mənbələrinə giriş

Kabala terminlərinin lüğəti
Qəlbdə nöqtə – İnsan daxilində yaranan, ruhaniyyəti açmaq arzusu. Kabala hikmətində “qəlb” insanın bütün cismani istəklərini ifadə edir, “qəlbdə nöqtə” isə həyatın məqsədini aşkar etmək üçün yaranan yeni istəyi bildirir.

Kabala hikməti – Yaradanı bu dünyada məxluqa ifşa etmə üsulu.

Yaradan – İvritdəki “Bo’Reh” (“gəl və gör”) sözündən; təbiətin ümumi qüvvəsi, vermək arzusu.

Kli (ivritcə: qab) – İstək, məxluq və ya alma istəyi.

Aləm (ivritcə: Olam) – “Gizlənmə” mənasını verən Ha’alama sözündən yaranıb.

Kabala hikmətinin tərifi
“Bu hikmət nə az, nə çox – səbəb və nəticə yolu ilə aşağı enən, sabit, müəyyən qanunlara tabe olan köklərin ardıcıllığıdır; bu qanunlar bu dünyada Onun İlahlıyının Öz məxluqlarına aşkarı adlanan tək, uca bir məqsədə yönəlir”

• Baal Sulam, “Kabala hikmətinin mahiyyəti”

  ---

  

  ---

  

  ---

  

  ---

  (3) Yuxarıda təsvir olunan enmə qaydası — almaq istəyinin bu dünyada son formaya gətirilməsi — HaVaYaH Adının dörd hərfində olan dörd mərhələyə uyğun olaraq açılır. Çünki Onun Adındakı HaVaYaH-ın dörd hərfi bütün reallığı özündə ehtiva edir və onların xaricində qətiyyən heç nə qalmır.

  Ümumi quruluş baxımından onlar kökləri ilə birlikdə on sfirot vasitəsilə izah olunurlar: Xoxma, Bina, Tiferet və Malxut. Bunlar on sfirotdur, çünki Tiferet sfirasının daxilində Xesed, Qvura, Tiferet, Netsax, Xod, Yesod adlanan altı sfira daxildir. Kök Keter adlanır. Lakin məhz mahiyyətlərində onlar Xoxma, Bina, Tiferet, Malxut (XBTM) adlanırlar. Bunu yaxşı yadında saxla.

  Onlar həmçinin dörd aləmdir: Atsılut, Briya, Yetsira, Asiya, və Asiya aləminin daxilində bu dünya da var. Beləliklə, bu dünyada Yaradılış Məqsədi olan məxluqlarını həzzləndirmək üçün Sonsuzluqdan yenilənməyən və Xeyir-dua almayan heç bir məxluq yoxdur  .

  Mütləq surətdə, o dərhal Nur və kli-dən (qabdan) ibarət olur, yəni, müəyyən ölçüdə şəfa və bu şəfanı almaq istəyi ilə birlikdə. Şəfanın ölçüsü Onun mahiyyətindən — var olandan var olan kimi — uzanır, halbuki bu şəfanı almaq istəyi qeyd olunduğu kimi yoxluqdan var olan kimi yenilənir.

  Və bu almaq istəyinin son formaya gəlməsi üçün o mütləq daxilindəki şəfa ilə birlikdə dörd aləmdən: Atsılut, Briya, Yetsira, Asiya vasitəsilə enməlidir. Yalnız bundan sonra məxluq Nur və kli kimi — bədən və onun içindəki həyat  nuru kimi — tamamlanır.

  ---

  Reallığın qavrayışı – xülasə
  
   

  ---

  Ravla klip
  
  Reallığın qavrayışı

  ---

   

• Almaq istəyi bizim “reallığı qavrama” mexanizmimizi idarə edən daxili proqramdır. Biz görmək istədiyimizi görürük. Ruhani reallığı qavramaq üçün reallığı bu proqrama əsasən necə qavradığımızı, yəni almaq istəyini dəyişməliyik.
• “Formaların bənzərliyi” qanununa uyğun olaraq, ruhani reallığı qavramaq üçün almaq istəyinin içində ruhaniyyətə həssaslıq, vermək, bəxş etmək niyyəti – “Masax [ekran]” inkişaf etdirməliyik.

1. «Məsələn, görmə hissimizi götürək: qarşımızda möhtəşəm şəkildə dolu, geniş bir dünya görürük. Amma əslində isə biz bütün bunların hamısını yalnız öz daxilimizdə görürük. Başqa sözlə, arxa beynimizdə elə bir fotoaparat vardır ki, bizə görünən hər şeyi təsvir edir və bizim xaricimizdə heç nə yoxdur.

Baal Sulam, “Zoar Kitabına Giriş”, s.34

2. O, bizim beynimizin içində elə cilalanmış bir güzgü yaratmışdır ki, orada görünən hər şeyi tərsinə çevirir ki, biz də onu beynimizin xaricində, üzümüzün qarşısında görək».

Baal Sulam, “Zoar Kitabına Giriş”, s.34

3. «Sanki turpun içində doğulmuş bir qurd kimidir. O, orada yaşayır və düşünür ki, Yaradanın dünyası elə onun doğulduğu turp kimi acı, qaranlıq və kiçikdir…

Amma elə ki, turpun qabığını deşib çölə boylanır, heyrətlə belə deyir: “Elə bilirdim ki, bütün dünya mənim doğulduğum turp kimidir, indi isə qarşımda nə qədər böyük, gözəl və möcüzəli bir dünya görürəm!”»

Elə bunun kimi də, doğulduqları almaq qabığının içində batmış olanlar […] əgər doğulduqları almaq istəyi qabığını sındırmağa çalışsalar və vermək istəyini qəbul etsələr, dərhal gözləri açılar, onlar üçün ruhani aləmlərdə onlar üçün hazırlanmış bütün hikmət, ağıl və aydın düşüncə dərəcələrini görüb dərk edərdilər».

Baal Sulam, “Zoar Kitabına Giriş”, s.40

4. «Bütün aləmlər, yuxarı və aşağı, insanın içində cəmlənib. Və həmçinin, bu aləmlərdə olan bütün reallıq da yalnız insan üçündür».

Biz bunu belə bir radio qəbuledicisi nümunəsində görə bilərik: bütün siqnalları qəbul edən bu qəbuledici səsləri özü yaratmır. Əksinə, səs dünyada mövcuddur, lakin bizdə qəbuledici cihaz olmayana qədər, bu səslər reallıqda mövcud olsalar da, biz onları aşkar etmirdik.

Eyni qaydada başa düşə bilərik ki, “Ondan xali yer yoxdur”, sadəcə bizə qəbul edən bir cihaz lazımdır. Bu qəbuledici cihaz Dvekut və “formanın ekvivalentliyi” adlanır, yəni vermək istəyi. Bizdə bu aparat olanda, dərhal hiss edəcəyik ki, Ondan xali heç bir yer yoxdur, əksinə, “bütün yer Onun şöhrəti ilə doludur”. 
Rabaş,645.Əməllərindən Səni tanıyırıq

Daxili təhlil və açıq müzakirə üçün suallar:

Reallığın qavranılması haqqında nə öyrəndik?
Bu dünyada reallığı qavramağımızı nə məhdudlaşdırır?
Əməllərimin arxasında hansı niyyət dayanır?
Hər bir çatışmazlığın arxasında bir niyyət varmı?

NÖVBƏTİ DƏRSİN MÖVZUSU
5-ci dərs — 07 dekabr 2025
Suallar və Cavablar

Keçmiş dərslərdə öyrəndiyimiz mövzulardan hər hansı biri ilə bağlı suallar hazırlayın.