Aralin 20. Mula sa Pagkakubli hanggang sa Pagsisiwalat
Aralin 20. Mula sa Pagtatago tungo sa Pagbubunyag
"Bnei Baruch" Binubuksan ang mga Pintuan ng Karunungan ng Kabbalah sa Mundo
MGA SLIDES 2-3
"...May kalayaan para sa kalooban na pumili muna ng ganoong uri ng kapaligiran, ganoong mga aklat, at ganoong mga guro na maghahatid sa kanya ng mabubuting konsepto. Kung hindi niya ito gagawin at handang pumasok sa kahit anong kapaligiran na lalapit sa kanya at magbasa ng kahit anong aklat na mapasakamay niya, [...] tiyak na mapaparusahan siya, hindi dahil sa kanyang masamang iniisip o gawa, na wala siyang kontrol, kundi dahil hindi niya pinili na mapabilang sa mabuting kapaligiran, sapagkat dito tiyak mayroong pagpili.
"Kaya, siya na nagsisikap na patuloy na pumili ng mas mabuting kapaligiran ay karapat-dapat papurihan at gantimpalaan. Ngunit dito rin, hindi dahil sa kanyang mabubuting iniisip o gawa, na dumating sa kanya nang hindi niya pinipili, kundi dahil sa kanyang pagsisikap na makamtan ang magandang kapaligiran, na siyang nagdudulot sa kanya ng mabubuting kaisipan at gawain."
- Baal HaSulam “Ang Kalayaan”
SLIDE 4
"...Kailangan natin ng kapaligiran, ibig sabihin, isang grupo ng mga tao na pare-pareho ang pananaw na kailangan nilang makamtan ang kabuuang pananampalataya. Ito lamang ang makapagliligtas sa tao mula sa pananaw ng karamihan. Sa panahong iyon, pinagtitibay ng bawat isa ang bawat isa pa na magnasa na makamtan ang ganap na pananampalataya, upang makapagbigay lugod sa Maylalang, at ito lamang ang maging layunin niya."
- Rabash, artikulo N.37. 1985
SLIDE 5
"...Ang Maylalang Mismo ang naglalagay ng kamay ng tao sa mabuting kapalaran sa pagbibigay sa kanya ng buhay na puno ng kasiyahan at kaganapan, sa loob ng materyal na buhay na punong-puno ng pasakit at sakit, at walang laman. Kailangan niyang lumayo at tumakas mula rito kapag nakita niya, kahit pa tila sa pagitan lamang ng mga bitak, ang isang payapang lugar na puwedeng takasan mula sa buhay na ito, na mas mahirap pa kaysa kamatayan. Tunay, walang mas dakilang paggabay ng Kanya kaysa rito.
At ang pagpili ng tao ay tumutukoy lamang sa pagpapatibay."
- Baal HaSulam “Panimula sa Pag-aaral ng Sampung Sefirot", p.4
SLIDE 6
Tatlong Uri ng Pagtatago ng Karunungan
"Tatlong bahagi ang nasa mga lihim ng Torah. Bawat bahagi ay may sariling dahilan kung bakit ito tinatago. Tinatawag sila sa mga sumusunod na pangalan:
- Hindi kailangan,
- Hindi maaari,
- Ang payo ng Panginoon ay para sa mga may takot sa Kanya.
Walang kahit isang bahagi ng karunungang ito na hindi naaangkop ang pagsuri ng tatlong bahaging ito, at ipapaliwanag ko ang bawat isa."
- Baal HaSulam “Pagbubunyag ng Isang Bahagi, Pagtatakip ng Dalawa”
SLIDE 7
Baal HaSulam, "Ang Pagtuturo ng Kabbalah at ang Esensya Nito"
"Natutuwa ako na ipinanganak ako sa ganitong henerasyon kung kailan pinahihintulutan nang ibunyag ang karunungan ng katotohanan. At kung tatanungin mo paano ko nalalaman na ito’y pinapayagan, sasabihin ko na dahil binigyan ako ng pahintulot na ibunyag ito. Ibig sabihin, hanggang ngayon, ang mga paraan para lantaran na talakayin at ganap na maipaliwanag ang bawat salita ay hindi ibinunyag sa anumang pantas."
SLIDE 8
Baal HaSulam, ”Panimula sa Aklat Panim Meirot u-Masbirot", Blg. 5
"Dapat nating mauna ang malawakang pagpapalaganap ng karunungan ng katotohanan ... upang tayo’y mapagkalooban muna ng biyaya ... Bilang bunga, magkaugnay ang pagpapalaganap ng karunungan at ang pagdating ng ating Mesiyas.
Dahil dito, kailangan nating magtatag ng mga seminar at sumulat ng mga aklat upang mapabilis ang pagpapalaganap ng karunungan sa buong bayan."
SLIDE 9
Baal HaSulam “Panimula sa Pag-aaral ng Sampung Sefirot”, p. 30
"Hindi lamang ipinagbabawal ang pagbubunyag ng mga lihim na ito, kundi sa kabaligtaran, ito ay isang dakilang Mitzva [utos] na ipahayag ang mga ito.
At ang nakakaalam kung paano ito ibunyag at ibinubunyag ang mga ito, malaki ang kanyang gantimpala. Dahil ang pagbubunyag ng mga liwanag na ito sa marami, lalo na sa karamihan, ang pagdating ng Mesiyas ay nakasalalay dito, nawa ay mangyari sa ating panahon, Amen."
SLIDES 10-11
Baal HaSulam “Ang Mga Sulat ng Huling Henerasyon”
"May isang talinghaga ukol sa mga magkaibigan na naligaw sa disyerto, gutom at uhaw. Isa sa kanila ang nakatagpo ng isang pamayanan na hitik sa lahat ng kaligayahan. Naalala niya ang kanyang mga kapatid na dukha …
Ano ang kanyang ginawa? Siya ay nagsimulang sumigaw nang malakas … marahil maririnig ng kanyang mga kapatid na nagugutom ang kanyang tinig, lalapit sa kanya, at makarating sa pamayanan na hitik sa lahat ng kasiyahan.
Ganyan din ang kalagayan sa harap natin: Naligaw tayo sa nakakatakot na disyerto kasama ang buong sangkatauhan, at ngayon ay nakatagpo tayo ng isang dakila at saganang kayamanan, na siyang mga aklat ng Kabbalah sa kayamanan. Pinupuno nito ang ating uhaw na mga kaluluwa at binubusog tayo nang husto ng sagana at kaligayahan; tayo’y busog na at marami pa.
Ngunit naaalala pa rin natin ang ating mga kaibigan, na naiwan sa kawalan ng pag-asa sa nakakatakot na disyerto. Malayo ang agwat sa pagitan natin, at hindi kayang tulayin ng mga salita. Dahil dito, itinayo natin ang trumpeta na ito upang hipan nang malakas nang marinig sana ng ating mga kapatid at lumapit at maging masaya katulad natin."
SLIDES 12-13
Baal HaSulam “Kapayapaan sa Mundo”
"...Sa ating henerasyon, kung saan bawat tao ay tinutulungan para sa kanyang kaligayahan ng lahat ng bansa sa mundo, kinakailangan na sa antas na iyon, ang indibidwal ay nagiging alipin ng buong mundo, parang isang gulong sa makina.
Kaya’t imposibleng magkaroon ng mabuti, masaya, at mapayapang kilos sa isa lamang bansa kung hindi ito ganoon sa lahat ng bansa sa mundo, at kabaliktaran. Sa panahon natin, ang mga bansa ay magkakaugnay na sa pagtugon sa kanilang mga pangangailangan sa buhay, tulad ng mga indibidwal ay konektado sa kanilang mga pamilya noong unang panahon.
Dahil dito, hindi na natin maaaring pag-usapan o tugunan ang mga kilos na tanging magpapabuti sa isang bansa o lahi, kundi ang kabutihan na ng buong mundo, sapagkat ang kapakinabangan o kapinsalaan ng bawat tao sa mundo ay nakasalalay at sinusukat sa kapakanan ng lahat ng tao sa buong mundo.
Bagamat ito ay kilala at nararamdaman, hindi pa rin ito ganap na nauunawaan ng mga tao sa mundo. Bakit? Sapagkat ganoon ang kalakaran ng pag-unlad sa kalikasan: Ang gawa ay nauuna kaysa pang-unawa, at tanging mga aksyon lamang ang magpapatunay at magtutulak sa sangkatauhan pasulong."
SLIDES 14-15
Baal HaSulam “Pagbuo ng Lipunan ng Hinaharap”
"May tatlong pundasyon ang pagpapalaganap ng pananampalataya: 1) Pagkakasiya ng Mga Pagkagusto; 2) Katibayan; 3) Sirkulasyon.
Pagkakasiya ng Mga Pagkagusto: Sa bawat tao, maging makamundo, ay may di-kilalang ningas na naghahangad ng pag-iisa sa Maylalang. Kapag ito ay napukaw, pumupukaw ito sa isang tao upang malaman ang Maylalang, o tanggihan Siya, na pareho lang…
Kung may magdudulot ng kasiyahan sa pagnanasa na iyon ng tao, sang-ayon siya sa lahat. Dapat idagdag dito ang tungkol sa imortalidad ng kaluluwa, gantimpala sa susunod na mundo, karangalan ng indibidwal at karangalan ng bansa, ibig sabihin, isa ay magiging karangalan ng bayan.
Katibayan: Walang pag-iral ang mundo kung wala ito, laluna sa panahong ito ng mga atom-bomba.
Sirkulasyon: Kung gagawin nang masigasig, maaring pumalit din sa katibayan. Kaya kailangan ang mga taong upahan upang ipamigi ang mga nabanggit sa publiko. Para sa layunin ng pagpapalaganap at sirkulasyon, kailangang banggitin ang pagdurusa, kahirapan, katiwalian at digmaan, gayundin ang mga balo at ulila sa mundo, na naghahanap ng kaligtasan…
Sa gayong kalagayan ay hindi na mahirap para sa mga tao na ialay ang buong buhay nila rito upang mailigtas sila sa kapahamakan at matinding sakit. Lalung-lalo na sa mga kabataan, na ang puso ay hindi pa napurol ng sarili nilang mga pagkukulang. Sila ay tiyak na susuporta rito ng buong puso at kaluluwa."
SLIDE 16
Baal HaSulam, "Mga Sulat ng Huling Henerasyon"
"Ang layunin ng buhay ay makamtan ang pagdikit sa Kanya, lubos na malinaw para magbigay kaluguran sa Maylalang, o upang gantimpalaan ang publiko na makamtan ang pagdikit sa Kanya."