Aralin 11. Ang Kahalihalina ng Karunungan ng Kabbalah

Slide 2

“Ang tao ang sentro ng buong Paglikha”

- Baal HaSulam, “Panimula sa Aklat ng Zohar”, p. 18

Slide 3

“Ang lahat ng pag-uugali ng paglikha, sa bawat sulok, pasukan, at labasan nito, ay ganap na pinagsunod-sunod para sa layunin ng pag-alaga sa lahi ng tao mula sa loob nito, upang mapabuti ang mga katangian nito hanggang maramdaman nito ang Maylalang tulad ng nararamdaman ng isang tao ang kanyang kaibigan.

Ang mga pag-akyat na ito ay tulad ng mga baitang ng isang hagdan, inayos ng antas-sa-antas hanggang ito ay makumpleto at makamit ang layunin nito.”

- Baal HaSulam “Ang Pagtuturo ng Kabbalah at ang Kahalagahan Nito”

Slide 4

“Ang bawat tao ay obligado na matamo ang ugat ng kanyang kaluluwa.”

- Baal HaSulam “Ang Umaakto na Isipan” 

Slide 5

“Ang layunin ng paglikha ay tumutukoy sa buong sangkatauhan, wala ni isa ang hindi kasama.”

 - Baal HaSulam “Ang Pag-ibig sa Diyos at ang Pag-ibig sa Tao”

Slide 6

“Ang espirituwal na pagdidikit ay maaari lamang ilarawan bilang pagkakapareho ng anyo. Samakatwid, sa pagkapantay ng ating anyo sa anyo ng Kanyang mga katangian, tayo ay napapalapit sa Kanya.

Ito ang dahilan kung bakit sinabi nila, “kung paano Siya ay maawain.” Sa ibang salita, lahat ng Kanyang mga gawain ay para magbigay at magpabuti sa iba, at hindi kailanman para sa Kanyang sariling pakinabang, sapagkat wala Siyang mga kakulangan na kailangang punan. At wala rin Siyang mapagkukunan upang tumanggap ng anuman. Gayundin, lahat ng iyong mga gawain ay para magbigay at makinabang sa iba. Sa ganitong paraan, mapapantay mo ang iyong anyo sa anyo ng mga katangian ng Maylalang, at ito ang espirituwal na pagdidikit.”

-  Baal HaSulam “Isang Talumpati para sa Pagkumpleto ng The Zohar”

Slides 7-8

“Kaya, dapat nating tanungin, bakit inobliga ng mga Kabbalist na ang bawat tao ay mag-aral ng karunungan ng Kabbalah? Tunay, may dakilang bagay tungkol dito, na dapat ipahayag sa lahat: Mayroong kahanga-hanga, napakahalagang lunas para sa mga nag-aaral ng karunungan ng Kabbalah. Kahit hindi nila nauunawaan ang kanilang pinag-aaralan, dahil sa matinding hangarin at pagnanasa na maintindihan ang kanilang pinag-aaralan, inaakit nila sa kanilang sarili ang mga liwanag na pumapalibot sa kanilang mga kaluluwa.

Ibig sabihin nito, ang bawat tao ay garantisadong tuluyang makakamit ang lahat ng kahanga-hangang antas na inisip ng Maylalang sa paglikha upang aliwin ang bawat nilalang.”

At ang hindi napagkalooban sa buhay na ito ay pagkakalooban sa susunod na buhay, atbp., hanggang sa mapagkalooban niya ng katuparan ang Kanyang iniisip na ipinlano Niya para sa kanya, gaya ng isinulat sa The Zohar.”

- Baal HaSulam “Panimula sa Pag-aaral ng Sampung Sefirot”

Slide 9

“Ang simula ng kanyang gawain ay ang pagkilala sa kasamaan, ibig sabihin ay humihiling ang tao sa Maylalang na madama kung gaano kasama ang kagustuhang tumanggap. Ang pagkaalam na ito na ang kagustuhang tumanggap ay tinatawag na “masama,” ang Maylalang lamang ang makapapadama niyon sa kanya. Ito ay itinuturing na sa pamamagitan ng Torah, ang isang tao ay maaaring makamit ang pagkilala sa kasamaan, ibig sabihin ay maunawaan kung gaano kasama ang kanyang kagustuhang tumanggap, at pagkatapos ay maaari siyang humiling na palitan ang kagustuhang tumanggap at bigyan siya ng pagnanais na magbigay.”

- Rabash “Ano ang Kabanalan at Kalinisan, sa Gawain?” 

Slide 10

“Ang panrelihiyong anyo ng lahat ng mga bansa ay dapat munang obligahin ang kanilang mga miyembro na magbigay sa isa’t isa sa antas na (ang buhay ng isa ay mauuna kaysa sa sariling buhay), gaya ng “Ibigin ang iyong kaibigan gaya ng iyong sarili.” Ang isang tao ay hindi dapat makinabang sa lipunan nang higit sa isang kaibigan na nagsusumikap.

Ito ang magiging panlahatang relihiyon ng lahat ng mga bansang mapapabilang sa loob ng balangkas ng komunismo. Gayunpaman, bukod dito, ang bawat bansa ay maaaring sundin ang sariling relihiyon at tradisyon, at walang dapat manghimasok sa isa’t isa.”

- Baal HaSulam, mga Sulatin ng Huling Henerasyon