«Բնեյ Բարուխ»-ը (Իսրայելում հայտնի է նաև «Կաբալա Լա Ամ» անունով) շահույթ չհետապնդող և ոչ կառավարական կազմակերպություն է, զբաղվում է Կաբալայի դասական գիտության բնագավառում կրթական և գիտահետազոտական գործունեությամբ: Կազմակերպության շտաբակայանը գտնվում է Պետախ Տիկվայում (Իսրայել), ունի աշխարհի 150 երկրներում մասնաճյուղերի լայն ցանց։ «Բնեյ Բարուխ»-ի ինտերնետային հարթակներից օրական օգտվում է 600,000 ուսանող և 4 միլիոն առցանց օգտատեր:

«Բնեյ Բարուխ»-ը հեռարձակում է ամեն օր Կաբալայի դասեր, դասախոսություններ և հաղորդումներ` կաբալիստ և փիլիսոփայության  դոկտոր Միխայել Լայթմանի և «Բնեյ Բարուխ»-ի առաջատար դասախոսների մասնակցությամբ՝ միաժամանակ 30 լեզուների սինխրոն թարգմանությամբ: Բոլոր համապատասխան նյութերը հանրությանը հասանելի են Կաբալա Մեդիա արխիվում (www.kabbalahmedia.info), որն աշխարհում միակ պորտալն է, որն ունի 20 000 Կաբալայի դասեր, 3000 բնօրինակ ձեռագրեր և ավելի քան 2 միլիոն ֆայլեր, որոնք պարունակում են գրքեր, հոդվածներ և այլն: Թե՛ ուղիղ հեռարձակումները և թե՛ արխիվը հասանելի են անվճար։