"İlkin mənbələri öyrənirik" icması, 43-cü dərs.
Zoar Kitabı
İlkin mənbələrdən seçilmiş parçalar

"İlkin mənbələri öyrənirik" icması, dərs 43.

Zoar Kitabı

İlkin mənbələrdən seçilmiş fraqmentlər

1. "Hamı üçün Zoar". Naso fəsli. "İnsan surəti" məqaləsi, bənd 299

"Bütün bunlar zamandan uca, məkandan uca, hər cür dəyişiklikdən uca olan İlahi mahiyyətdir. İlahi mahiyyətdə fərqləndirdiyimiz bütün o pillələr və islahlar, hamısı aşağıdakılara nisbətdə yalnız bir növ gizlənmə və örtükdür; çünki on Sefirot sayı — sanki sən Onun mahiyyəti üzərində on növ gizlənmə olduğunu deyirsən. Həmçinin zaman, məkan və hərəkətlərlə bağlı bütün xəyali mənzərələr, hamısı yalnız Onun İlahi mahiyyəti üzərində olan bir növ örtüklərdir və aşağıdakıların gözünə belə görünür. [...] Lakin bilmək lazımdır ki, bu örtüklər həm də aşkar olma üçün istifadə olunur. [...] Üstəlik, hər bir adda və islahda olan gizlənmənin ölçüsü nə qədərdirsə, ondakı aşkar olma ölçüsü də o qədərdir. Gizlənmə ölçüsünü lazımi qaydada qəbul etməyə layiq olan kəs, sonra bu gizlənmələrin onun üçün aşkar olma ölçülərinə çevrilməsinə layiq olar. Öyrənən kəs təhsil zamanı bunu yadda saxlamalıdır, o zaman düşüncəsində yanılmaz".

2. "Hamı üçün Zoar". Vaetxanan fəsli. "Dəri geyimlər" məqaləsi, bənd 35

"Gələcəkdə Yaradan müdrik olmayan gözləri açacaq ki, onlar ali hikmətə baxa bilsinlər və bu dünyada dərk etmədiklərini dərk etsinlər ki, öz Sahiblərini tanısınlar. Bu hikmətə layiq olan salehlər nə bəxtiyardır — ona bənzər hikmət yoxdur, bu biliyə bənzər bilik yoxdur və bu qovuşmaya (dvekut) bənzər qovuşma yoxdur".

3. "Hamı üçün Zoar". Ki-Tisa fəsli. "İndi isə, Məni tək burax" məqaləsi, bənd 54

"Bir-birini sevməyən bütün yoldaşlar vaxtından əvvəl dünyadan köçürlər. Rabbi Şimonun dövründəki bütün yoldaşlar — bütün yoldaşlar arasında qəlbi (nefeş) və ruhani (ruax) sevgi var idi. Buna görə də Rabbi Şimonun nəslində Tövratın sirləri aşkar edilmişdi. Ravvin Şimon deyirdi ki, bir-birini sevməyən bütün yoldaşlar özləri özlərini doğru yoldan sapdırırlar. Bundan əlavə, onlar həm də onun (Tövratın) dəyərini azaldırlar. Axı Tövrat özündə sevgini, qardaşlıq hisslərini və həqiqəti ehtiva edir.İbrahim İsxaqı sevirdi, İsxaq İbrahimi sevirdi, bir-birlərini qucaqlayırdılar. Yaqubu isə hər ikisi sevgi və razılıqla dəstəkləyir, bir-birlərini ruhlandırırdılar. Yoldaşlar onlara bənzəməli və onların dəyərini aşağı salmamalıdırlar". Çünki onlarda sevgi çatışmazsa, yuxarıdakı dəyərlərini — İbrahimin, İsxaqın, Yaqubun, yəni XAQAT-ın (Xesed, Qvura, Tiferet) dəyərini aşağı salmış olurlar.

4. Hikmətin 138 Qapısı, Ramxalın ön sözündən

"Və gecə-gündüz onun haqqında düşün — yazılmayıb ki: 'Və gecə-gündüz bunu anla'. Anlasan — anlayarsan, anlamasan da — öyrənməyin mükafatı sənin əlindədir. Buna sübut Zoar kitabındandır: [insan] anlamasa belə, dilin özü ruh üçün xeyirlidir".

5. Baal Sulam. "Zoar kitabına ön söz", bənd 58

"Kabalistik kitablar və Zoar maddi bənzətmələrlə doludur. Buna görə də hər kəsi bir qorxu bürümüşdü ki, qazancı itkiyə çevrilə bilər [...] Məhz bu məni Ari-nin əsərlərinə kifayət qədər şərh, indi isə Zoar kitabına da şərh yazmağa sövq etdi. Mən bu qorxunu tamamilə dağıtdım, çünki hər bir bənzətmənin ruhani mənasını aydınlaşdırdım və sübut etdim, onu hər cür maddi xəyaldan, məkan və zamandan uca tutdum — oxucular bunu görəcəklər  ki, bütün İsrail evi Zoar kitabını öyrənə bilsin və onun müqəddəs nurunda qızınsın".

6. Deqel maxane Efraim ("Efraim düşərgəsinin bayrağı")

"Zoarın dili ruha uyğunlaşdırılıb, baxmayaraq ki, insan orada nədən bəhs olunduğunu anlamır. Məsələn, ətriyyatçı dükanına girən bir adam kimi — oradan heç nə götürməsə belə, hər bir halda xoş ətri özünə çəkir".

7. Ramxal. "Adir ba-Marom", 24

"Və Ravvin Şimon bar Yoxay Tövratın sirlərini açırdı, yoldaşlar isə onun səsini dinləyib onunla birləşirdilər ki, bu birlikdə qalsınlar və hər kəs öz töhfəsini verirdi. Necə ki, Mişna tannalar tərəfindən yazılmışdı, Rabbi Yeuda a-Nasi isə ümumi rəyi ifadə edərək onlardan Mişna kitabını tərtib etmişdi. Eləcə də Ravvin Şimon bar Yoxay istəyirdi ki, bütün şagirdlərinin kəlamlarını ehtiva edən bir kitab tərtib olunsun və Tövrata şərh kimi yazılsın. Çünki [digər] əsərlər fərdi məsələlərdən bəhs edir, lakin Tövrat üzrə yazılmış Zoar kitabı bütünlükdə bütün Tövrata açılan böyük qapı adlanır".

8. "Hamı üçün Zoar". Zoar kitabına ön söz. "Qızılgül" məqaləsi, bənd 1

"Tikanlar arasındakı qızılgüldə qırmızı və ağ olduğu kimi, Knesset İsrail-də (İsrail məclisində) də hökm (din) və mərhəmət (raxamim) var. Qızılgülün on üç ləçəyi olduğu kimi, Knesset İsrail-in də onu hər tərəfdən əhatə edən on üç mərhəmət xüsusiyyəti var. Eynilə 'Başlanğıcda Qüdrətli (Eloxim) yaratdı' hissəsindəki Qüdrətli — O xatırlandığı andan etibarən, Knesset İsrail-i əhatə etmək və onu qorumaq üçün on üç söz çıxardı. Və bu sözlər bunlardır: 'Göyü və yeri. Yer isə boş və xaos idi, zülmət uçurumun üzərində idi və ruh (et a-şamaim ve-et a-arets ve-a-arets aita tou va-vou ve-xoşex al pney teom ve-ruax)'. 'Qüdrətlinin [ruhu] suların üzərində dalğalanırdı' sözlərinə qədər".

9. "Hamı üçün Zoar". Zoar kitabına ön söz. "Eşşək sürən" məqaləsi, bənd 74

"Ravvin Elazar qayınatası, Ravvin Şimon ben Lakuniyanın oğlu RavvinYosini görməyə getdi. Ravvin Aba da onunla birlikdə idi. Onların ardınca eşşəklərini sürən bir adam gəlirdi — yəni onların eşşəklərini yönləndirirdi. Ravvin Aba dedi: 'Tövratın qapılarını açaq, məhz indi yolumuzu islah etmək vaxtıdır'".

10. Rav Kuk. "Orot", bənd 57

"İndiki zaman daxili Tövratın dərk edilməsini artırmağı tələb edir. Zoar kitabı yeni cığırlar açaraq səhrada yol, çöldə cığır salır — o və onun bütün bəhrələri bizim üçün xilas qapılarını açmağa hazırdır".

11. Baal Sulam. "Zoar kitabına ön söz", bənd 69

"İsrailin xilası və İsrailin bütün əzəməti Zoar kitabının və Tövratın daxili hissəsinin öyrənilməsindən asılıdır".

12. Jidaçovlu RavvinTsvi Qirş Eyxenşteyn, "Şərdən uzaqlaş və xeyir ver"

"Zoar kitabından dadan hər kəs özü hiss edəcək ki, dünyada Tövratın gizli dadlarının dərinliklərindəki hikmətə bənzər hikmət yoxdur və ondan başqa bütün [digər] hikmətlər heçlik və boşluq sayılır".