Video - "Тövrat - Кitabların kitabı" >>

M. Laytman: Tövratın (Toranın) öyrənilməsi çoxpilləli bir işdir. Əvvəlcə biz sadəcə oxumağı, tərcümə etməyi, materiallarımızda yazılanları anlamağı öyrənirik. Sonra isə tədricən sözləri ruhani elementlərlə, əlaqələrlə əvəz edirik. Başa düşməyə başlayırıq ki, əslində bu mətnlər nədən bəhs edir. Bax belə bir prosesdir.

Tələbə: Siz deyirsiniz ki, sözləri ruhani anlayışlarla, əlaqələrlə əvəz edirik. Bu sözlərin arxasında duran ruhani anlayışlar nədir?

M. Laytman: Bu, biz artıq “Ptixa”da [«Kabala elminə giriş»də] və ya «On Sfirotun Tədrisi»ndə öyrəndiyimiz şeydir. Yəni, Yaradandan bizə gələn nur, onun bizə necə təsir etdiyi, hansı istəkləri oyatdığı, bizi hansı şəkildə birləşdirdiyi – məhz bunlardır.

— Günlük kabala dərsindən, 3 mart 2024-cü il

«Tövrat» dedikdə, Tövrata bürünmüş nur [maor] nəzərdə tutulur. Başqa sözlə, müdriklərimizin «Mən şər başlanğıc yaratdım və ona qarşı Tövrat verdim» sözləri, məhz Tövratda gizlənmiş nura işarə edir. Çünki Tövratda olan nur insanı Mənbəyə qaytarır.

— Baal HaSulam, «Şamati» kitabı, 6-cı məqalə

«Alidən aşağıdakını öyrənər». Başqa sözlə, əvvəlcə insan ali kökləri — onların ruhani aləmdə necə mövcud olduğunu, hər cür təsəvvürdən yuxarı, yalnız saf idrak vasitəsilə dərk etməlidir. Və yalnız bu ali kökləri ağlı ilə tam və düzgün şəkildə dərk etdikdən sonra, icazə verilir ki, bu dünyadakı hiss olunan budaqlara baxsın, bilərək ki, hər bir budağın ali aləmdəki öz kökü ilə necə əlaqəlidir — bütün aspektlərində, həm miqdar, həm keyfiyyət baxımından.

— Baal HaSulam, «Kabala elminin mahiyyəti»

№ 19 DƏRSİNDƏN SEÇİLMİŞ HİSSƏLƏR (təkrarlama üçün)

TaNaX dili
«TaNaX dili – bu, əsas və təməl dildir, öz roluna çox uyğun bir dildir, çünki əksər hallarda kök və budaq əlaqəsini ehtiva edir və anlamaq üçün ən əlverişli dildir. Bu, ən qədim dildir və müqəddəs dildir ki, onu Adam Rişona aid edirlər.

Bu dilin iki üstünlüyü və bir çatışmazlığı var. Birinci üstünlük – onun anlamaq üçün rahat olmasıdır və hətta dərk etməyə yeni başlayanlar üçün belə, lazım olan hər şey dərhal aydın olur. İkinci üstünlük – bu dil vasitəsilə məsələlər digər dillərdən daha dəqiq və dərin şəkildə izah olunur.»

Onun çatışmazlığı – ondadır ki, bu dildən fərdi hallarda və ya səbəb-nəticə əlaqələrində istifadə etmək mümkün deyil, çünki hər bir şey haqqında tam şəkildə izah vermək lazımdır. Çünki əgər məsələ bütövlükdə təsvir edilməzsə, bu dilin özü hansı elementdən bəhs etdiyini göstərmir. Buna görə də, kiçik bir elementi ayırd etmək üçün, onun haqqında bütöv bir fəsil təqdim etmək lazımdır. Və bu səbəbdən, bu dil kiçik elementlərin və ya səbəb-nəticə əlaqələrinin izahı üçün uyğun deyil. Həmçinin dua və bərəkətlərin dili də Tanax dilindən götürülmüşdür.

— Baal HaSulam, “Kabalanın təlimi və onun mahiyyəti”

«…kabala elminin daxili hissəsi Tanaxın, Talmudun və Aqadanın daxili hissəsindən fərqlənmir, və onların arasındakı bütün fərq yalnız məntiqi quruluşlardadır. Bu, dörd dildə yazılıb köçürülən  elmə bənzəyir. Aydındır ki, dil dəyişməsindən elmin mahiyyəti tamamilə dəyişmir, və bizə yalnız onu bu elmin öyrənənə ötürülməsi üçün hansı variant daha əlverişli və qəbul edilən olduğunu müəyyən etmək qalır. »

— Baal HaSulam, “Kabalanın təlimi və onun mahiyyəti”

«Bu elmlə məşğul olmaq üçün ciddi bir şərt mövcuddur: anlayışları xəyali və maddi şeylərlə cisimləşdirməmək. Çünki bu halda insanlar “Özünə büt və hər hansı bir təsvir etmə” ehkamını pozurlar. Bundan əlavə, bu, fayda əvəzinə zərər gətirir.»

— Baal HaSulam, «TES-ə Giriş», bənd 156

Və məhz bunda başlanğıcda olanlar üçün bütün çətinlik durur, çünki onlar sözləri onların maddi mənasında, zaman və məkan çərçivəsində, dəyişmə və əvəzləmə kimi qəbul edirlər, halbuki müəlliflər bu sözlərdən yalnız ali köklərin göstəricisi kimi, rəmz kimi istifadə edirdilər.

— Baal HaSulam, On Sfirotun Təlimi, I hissə, I fəsil, Daxili nur, bənd 1

«Rabbi Şimon dedi: “Vay o insana ki, deyir: Tövrat sadəcə gündəlik hadisələr, Esav, Lavan və başqaları haqqında hekayələr danışmaq üçün verilib. Axı əgər belə olsaydı, biz bu gün də baş verən hadisələr haqqında Tövrat yaza bilərdik, hətta daha maraqlı hekayələrlə. Və əgər Tövrat dünyada baş verənləri göstərmək üçün verilibsə, onda dünyanın hakimləri arasında da daha diqqətəlayiq hadisələr baş verir. Əgər belədirsə, gəlin onları izləyək və onlar əsasında da bir Tövrat yazaq. Lakin Tövratda təsvir olunan bütün hadisələr ali kəlamlar və ali sirlərlə bağlıdır.”»

— Zoar, VII cild, “Baalotxa” fəsli, bənd 58

SEMİNAR

Kabalaya görə, insanın Tövratı düzgün istifadə etməsi necə olmalıdır?

NÖVBƏTİ DƏRS (6 aprel 2025)

MÖVZU — «Ruhani inkişaf: Tövratın yolu və ya əzabların yolu»

📘 Dərsin təsviri:

İnsanın şüurlu seçim yolu ilə, iztirablar və həyat zərbələri olmadan ruhani dərkə çatması mümkündürmü?
Ruhani reallığın açılışına aparan etibarlı bir yol varmı?

Bu dərsdə biz insan inkişafının iki əsas yolunu nəzərdən keçirəcəyik — Tora yolu və əzab yolu.
Xüsusilə diqqət yetirəcəyik ki, həqiqi ruhani irəliləyiş üç vacib şərt olmadan mümkün deyil:

1. Həqiqi müəllim (Rav)

2. Dəstəkləyici qrup

3. Əsl kabalistik kitablar

Məhz bu üç element insanın şüurlu və səmərəli ruhani inkişafı üçün möhkəm əsas yaradır.

XƏBƏRLƏR VƏ ELANLAR

📣 Öncədən planlaşdırın! 🌍
Beynəlxalq Kabala Konqresi — 22–24 may 2025

Sizi bütün dünyadan insanların qəlblərini birləşdirəcək mühüm dünyavi tədbirə dəvət edirik!
2025-ci ilin 22–24 may tarixlərində Kabala Akademiyası Beynəlxalq Kabala Konqresi keçirəcək — dünyanın müxtəlif nöqtələrində fiziki görüşlərlə

🌐 Konqresin əsas keçirilmə məkanları:

🇦🇺 Avstraliya — Melburn
🇪🇺 Avropa — Macarıstan
🇨🇱 Çili — Santyaqo
🇰🇿 Qazaxıstan — Almatı
🇲🇽 Meksika — Qvadalaxara
🇹🇷 Türkiyə — Antalya
🇺🇸 ABŞ — Pensilvaniya

📍 Tezliklə Afrika və Asiya ölkələrində də əlavə məkanlar elan olunacaq!

📝 Qeydiyyat yaxın günlərdə açılacaq — xəbərləri izləyin!

✨ Ruhani inkişaf uğrunda bütün dünya ilə birləşək!
Bu unikal fürsəti qaçırmayın — görüşmək, öyrənmək və ilhamlanmaq üçün!

#KabalaKonqresi2025 #KabbalahConvention2025